Etter ei scoring av Mattias Anderson rett før pause, måtte Sogndal-trenar Harald Aabrekk sjå at klubben gjekk på sitt andre strake tap på spansk jord. På tysdag vart det 1–2-tap mot Sarpsborg, og heller ikkje mot nabobyen Fredrikstad vart det siger for Sogndal.

Mot Førde

Med oppgjeret mot Fredrikstad er også opphaldet i Spania over for Sogndal sin del. Medan laget tidlegare år har hatt 14 dagar på fotballforbundet sitt anlegg i Spania, har klubben i år grunna trong økonomi berre sett av ei veke.

Dermed kjem spelarane tilbake til Norge i helga, og allereie førstkomande fredag skal Sogndal ut i ny treningskamp. Denne gongen mot 2.-divisjonsklubben Førde, og denne kampen vert spelt på kunstgras i Sognahallen. Etter den treningskampen har Sogndal berre ein sparringpartnar til før serieopninga mot Ranheim 5. april. Det er mot LøvHam laurdag 27. mars.

Tung vinter

Sogndal har spelt heile ti treningskampar sidan nyttår, og nyetrenar Harald Aabrekk må konstatere at med berre to sigrar mot 2.-divisjonsklubbane Skarbøvik og Førde, så har ikkje treningskampane resultatmessig bygd så mykje sjølvtillit. Og spesielt urovekkjande var nok 1–4 mot Nybergsund i Sognahallen.

Dette er Sogndal sine resultat i treningskampane hittil:

Sogndal–Førde 2–0

Haugesund–Sogndal 1–1

Sogndal–Nybergsund 1–4

Aalesund–Sogndal 2–1

Årdal–Sogndal 3–2

Sogndal–Skarbøvik 6–0

Odd Grenland–Sogndal 1–0

Lyn–Sogndal 2–2

Sarpsborg–Sogndal 2–1

Fredrikstad–Sogndal 1–0

Fakta

FREDRIKSTAD–SOGNDAL 1–0 (1–0)

Treningskamp

La Manga, Spania

Mål:

1–0 38 min Mattias Andersson

Fredrikstad: Lasse Staw, Wallace Fernando Pereira, Raio Piiroja, Vidar Martinsen, Jonas Becken, Simen Rafn, Han Erik Ramberg, Celso Borges, Amin Askar, Andreas Tegstrøm, Mattias Andersson

Sogndal: Piotr Leciejewski, Mats Solheim, Even Hovland, Lars Grorud, Per Egil Flo, Barry Kader, Ahyee Aye Elvis, Henrik Furebotn, Ole Jørgen Halvorsen, Espen Olsen, Ulrik Flo