Hyllestad- guten Tommy Wolff sikra landslaget i biljard ein plass i sluttspelet i VM i går.

Turneringa vert arrangert frå 30. januar til 7. februar i Hannover i Tyskland.

23-åringen greidde å få i boks den avgjerande biljardkula mot ein utøvar frå Aruba, noko som var heilt avgjerande for VM-plassen.

– Noreg var avhengig av at Tommy vann mot utøvaren frå Aruba for å vinne lagsigeren og gå vidare til sluttspelet, seier Katrine Grotle, sportssjef i Norges Biljardforbund til NRK Sogn og Fjordane.

Wolff sjølv var svært letta etter at den avgjerande kula var sett.

– Han melde sjølv at dette var noko av den herlegaste sigeren han hadde teke, seier Grotle

Torsdag kveld 18.00 skal Wolff og resten av landslaget spele mot Filippinane i 8.-delsfinalen.

Grotle fortel Wolff er vorten meir erfaren under tida si i landslaget.

http://www.nrk.no/nyheter/distrikt/nrk_sogn_og_fjordane/1.6977557