I finalen i Oslo i helga vart Malvin Bjelland frå Haugesund for sterk med siffera 7–4. Bjelland var norges beste biljardspelar i 2009, medan Steffen enno er junior. Storebror Tommy Wolff (23) er meir kjend i biljardmiljøet. Han enda på delt 9. plass i NM. Begge brørne er knytte til Hyllestad Biljardklubb, eit svært aktivt miljø i Ytre Sogn.

– Overraska

– Dette er stort for meg. Eg rekna ikkje med å gjere det så godt, så eg overraska både med sjølv og andre. Det var trass alt landets 88 beste spelarar som deltok. Då er det ikkje så verst å bli nest best, seier Steffen.

Som heller ikkje hadde venta å bli betre enn storebror Tommy.

– Nei, i utgangspunktet er jo han ein betre spelar enn meg. Men eg møtte veldig sterk motstand i mine kampar, så eg fortente sølvet.

Satsar mot EM

Frå før av var Steffen sin beste prestasjon i senior-NM ein 9. plass, medan Tommy gjekk heilt til topps i 2008. Steffen er også norgesmeister, for juniorar i 2009. Han er utteken til senior-EM i Kroatia i mars, men det er junior-EM til sommaren som blir hans store mål for sesongen.

– Der meiner eg at eg har medaljesjansar. Det blir den viktigaste meisterskapen for meg i år, sesongens store mål. Eg kan nok ikkje hevde med i senior-EM. Det at eg var ein av få som hadde levert inn treningsplan til landslagssjefen er ein av grunnane til at er med der, fortel Steffen.

Tommy skal ikkje delta i senior-EM, men derimot i VM komande helg.