Ronny Hafsås vart nummer to på NM-sprinten.
Stårheim-løparen Ronny Hafsås gjekk som vanleg raskast av alle i løypa under fredagens sprint i NM på Lillehammer.
Og sjølv med fire strafferundar etter dei to skytingane fossa Hafsås inn til sølvmedalje, tretti sekund bak Alexander Os frå Ishavslaget som vann.
Meritterte Ole Einar Bjørndalen kapra bronsemedaljen, berre seks sekund føre ungguten Tarjei Bø frå Markane.
I kvinneklassen vart Ann Kristin Flatland frå Vik nummer åtte.