Trenar Knut Erik Folland var nøgd med det spelarane presterte i kvlaifiesringskampen, men hadde gjerne sett at det hadde blitt fleire enn dei to scoringane Steinar Tenden og Gisle Isene laga i 1. omgang.

– Då hadde vi sjanser til både eitt og to mål til. Men med tanke på den store sjansen Åskollen hadde i slutt-minutta, er eg lykkeleg for at vi reiser til Drammen komande helg med null baklengs. For scorar vi eitt mål der, må Åskollen nemleg ha fire, seier Folland etter sigeren i plaskregnet, som likevel samla nesten 1000 tilskodarar på Førde stadion.

– Det vert eit heilt anna kamp på kunstgrasbana i Drammen neste helg, seier Leif Helge Nordahl. Åskollen-trenaren var ikkje frustrert over 0–2-tapet i Sunnfjord, og vedgjekk at spelarane var optimistiske etter tapet.

– Vi likar aldri å tape, men i dag føler spelarane at dette har dei sjansen til å greie i returoppgjeret, seier Nordahl.