Laurdag møttest kjendislaga frå Florø og Førde til "Tufte"-kamp på eit fullsett og solfylt Florø stadion, til ein tvillingbyduell med harde taklingar og forsøk på å ta opptil fleire "Zidane". Etterpå møttest veteranlaga til Liverpool og Brann.


Forklaring til videoklippa:

Tuftekamp - Oppvarming:
Her ser du mellom andre Per Storegjerde på Førde-laget som ristar laus, og kaptein Stian Grimseth som drøftar taktikk. Deretter ser vi Anne Oline Gullaksen, Atle Hamar, Anders Ole Sunnarvik, Harald Gil Sætre, Arvid Andenæs som joggar, Jan Atle Stang og Anne Mette Hjelle. Til slutt ser vi Florø-laget.

Tuftekamp - 1. omgang:
Florø startar med ballen, men lagkaptein Heidi Grande Røys mistar han til Atle Hamar på Førde-laget. Deretter går ballen att og fram mellom laga, før Førde får ein stor sjanse.
Ein knallhard duell mellom Ida Berqvam og Heidi Grande Røys endar med innkast der Førde på ny har ballen ei stund. Deretter er det slag i slag med stygge taklingar som fører til frispark.
Gustav Johan Nydal prøver seg på ein Zidane på Stian Grimseth, men er sjølv den som går i bakken.
Sterkaste scenene er når Florø-keeper. Sander Ødelien avvergar to scoringsforsøk, og når Gustav Johan Nydal mot slutten vert sprunge ned av Stian Grimseth.

Tuftekamp - 2. omgang:
I starten av denne omgangen er Førde-kapteinen usamd med dommar Robert Endestad. Deretter lagar Leif Belsvik eit nydeleg mål. Så kjem mange spektakulære taklingar, mellom anna der Ida Berqvam (14) som hyler kvar gong ballen kjem mot henne, prøver å få ballen unna Florø-laget. Den alltid objektive sjefsdommar Robert Endestad går sjølv med ballen eit stykke for å hjelpe Florø-laget.
Sander Ødelien har nok ei kjemperedning for Florø, og Anders Haave (med flytevest) scorar nesten mål, medan Jan Atle Stang skyt stang ut.

Tuftekamp - Scoringane:
Her er rekka med sjansar og scoringar som gjorde at kampen enda 6-3 til Førde.

Tuftekamp - Sidelina:
Glimt frå sidelina: Innmarsj, kamp, pause med strategi, innbyttarbenken, etter kampen, lagbilde.

Tuftekamp - Atle Hamar:
Direktør i Lotteri- og Stiftelsestilsynet, Atle Hamar, blir intervjua om breidde i fotballen.



Har du problem med å spele av video? Du må kanskje oppgradere avspelaren:

Last ned Windows Media Player 10 for PC

Last ned Windows Media Player 9 for Mac OS X

Last ned filter for avspeling av Windows Media i QuickTime