Målkalas i Stryn

STRYN – HØYANG 10-2: Mats Solheim scora fem mål, då Stryn nedsabla Høyang med 10-2 i kvalikkampen til NM i går. Stillinga til pause var 3-1. For Stryn scora Solheim (5), Jan Erik Sandbakk (2), Trond Leirgulen, Jon_Terje Tjellaug og Ulrik Flo. Alexander P. Øren og Edin Agovic netta for Høyang.

Tenden sende Førde vidare med to mål

FØRDE – TORNADO MÅLØY 2-0: Steinar Tenden scora begge måla, då Førde slo Tornado Måløy 2-0 i første kvalikrunde i NM i går. Stryningen scora begge måla i første omgang, og begge scoringane kom på heading.

Sandane er ute

SKAVØYPOLL – SANDANE 2-0: Sandane tapte 2-0 borte mot Skavøypoll, og er dermed ute av cupen, allereie før den er byrja. Ifølgje rapportane er likevel glopparane nøgd med spelet. Begge måla kom i andre omgang.

Vidare etter straffedrama

FJØRA – KAUPANGER 7-8 (e.e.o.): Kaupanger trekte det lengste strået etter ein særs dramatisk kamp i første kvalifiserande NM-runde mot Fjøra. Grøntrøyene vann til slutt 8-7, etter at laga måtte gjennom straffesparkkonkurranse då det stod 3-3 etter ekstraomgangane. Tore Gjerdalen, Johnny Gunnufsen og Frode Kvåle scora spelmåla for Fjøra. Preben Strypet (2) og Jørn Skjeldestad teikna seg på lista for Kaupanger.

Neste runde

1. divisjonslaget Sogndal og 2. divisjonslaget Årdal er automatisk klare til første ordinære runde i cupen som blir spelt 10. og 11. mai. Kampoppsettet er førebels ikkje klart.