Politiet hadde blitt kontakta av personar som følte seg truga av mannen i sentrum i ein Sunnfjordby.

Mannen hadde alkoholforbod i prøvetida etter ein tidlegare dom. Då politiet tok kontakt med han, kalla han betjentane, og brukte ord som «purkehore» og «muslimfitte».

Undervegs til politistasjonen truga han ein annan politibetjent. Han sa mellom anna at han skulle drepe både politibetjenten og familien hans.

Den dømde er tidlegare straffedømd fire gonger i Norge, og fleire gonger i eit anna nordisk land.

Retten framhevar at det i tråd med rettspraksis og av allmennpreventive grunnar bør reagerast strengt mot alvorlege truslar mot offentleg tenestemann.

Samstundes meiner retten at ein dom utan vilkår fullt ut vil ha avgrensa effekt på tiltalte. Det vil også kunne påverke hans jobbsituasjon.

Mannen vart derfor dømd til sju månader fengsel, der fire av dei er på vilkår. Han fekk ei prøvetid på tre år, og må betale 2000 kroner i sakskostnader.