Subseavdelinga i Saga Fjordbase har for første gang fått totalansvaret for service på riserar (stigerør) frå Snorre B. Avdelinga skal også mobilisere ein god del utstyr til boreoperasjonar på Tampen-sokkelen i tida framover.

Fjordbase har i månadsskiftet mars/april demobilisert ein god del utstyr frå Snorre B-plattforma for selskapet Vetco Gray.

I midten av april skal subseaavdelinga mobilisere utstyr til leiteriggen «Borgland Dolphin». Riggen kjem frå Gullfaks Sør og skal bore tre brønnar på Tordis-feltet.

Spesialskipet «Deep Ocean» skal i ein månads tid i mai/juni vedlikehalde brønnar i tilknyting til Snorre UPA. Skipet brukar såkalla Light Weight Intervention-utstyr, som er lettare og enklare utstyr enn det ein rigg brukar. Også dette utstyret er lagra i subseahallen på Fjord Base. Her samarbeider Saga Fjordbase med Statoil og Cameron.

Subseaavdelinga skal også mobilisere utstyr til skipet «Viking Poseidon», som skal utføre enklare vedlikehald både på Tampen og andre område av sokkelen framover våren og sommaren, skriv Inc-gruppen på sine heimesider.