Ein utandlandsk semitrailersjåfør miste i kveld livet etter at han køyrde av E16 ved øvre Ljøsne i Lærdal, opplyser politiet.

Ifølgje operasjonsleiar Agnar Dregelid i politiet vart mannen funnen ved semitraileren.

- Han hadde blitt kasta ut av bilen, fortel Dregelid om trafikkuhellet som vart meldt til politiet klokka 1830.

Det skal ikkje ha vore andre personar eller køyretøy involverte i hendinga.

Politiet kan førebels ikkje seie noko om årsaka til ulukka. Dei vil no, saman med Statens vegvesen, foreta gransking av åstaden, og vegen vil tidvis vere stengt.

Ifølgje politiet er alle naudetatane no på staden.