Samferdsleminister Magnhild Meltveit Kleppa presenterte torsdag regjeringa sin handlingsplan for rassikring.

- Regjeringa vil bruke 1 milliard kroner årleg på rassikring dei neste fire åra, sa Kleppa på pressekonferansen.

Ei rekkje rassikringsprosjekt for fylkesvegnettet vil bli starta opp eller fullført dei neste fire åra. Torsdag la samferdsleministeren fram ein handlingsplan fram til 2019, med særleg vekt på dei første fire åra.

Pengane vil bli likt fordelt mellom fylkesvegnettet og riksvegnettet, men i første omgang vil fylkesvegnettet bli prioritert og opprusta mot ras.

Det nye er at Statens vegvesen og departementet no kan presentere ei samla oversikt over konkrete rassikringsprosjekt i fylka dei neste fire åra.

Eitt av tiltaka som står på den etterlengta lista er at ein tunnel forbi eit rasutsett punkt ved fylkesveg 57 Nishammaren i Fjaler blir ferdig 2011/12. (ANB-NTB)