Måndag var ordførarar i kystkommunar frå Nordhordland til Sunnmøre samla i Bergen til stiftingsmøte for Kystvegen Ålesund-Bergen.

Alle kystkommunar frå Ålesund til Nordhordland har vedteke å gå inn i samarbeidsorganisasjonen, i tillegg til at Bergen kommune har stilt seg positiv til å delta.

Organisasjonen vil no invitere bedrifter og næringsorganisasjonar til å delta i arbeidet for samanhengande veg av god riksvegstandard langs kysten frå Bergen til Ålesund.

Per Brandal frå Vanylven kommune og Eivind Hjellum frå Flora kommune skal ha ansvar for administrasjon og sakshandsaming.

På stiftingsmøtet i Bergen var desse ordførarane til stades: Tore Bråstad (Hyllestad), Gunn Åmdal Mongstad (Solund), Kåre Olav Svarstad (Bremanger), Aud Kari Steinsland (Askvoll), Jan Helgøy (Vanylven), Arve Helle (Fjaler), Bente Frøyen Steindal (Flora), Nils Marton Aadland (Meland/Nordhordland Regionråd), Hans Gisle Holstad (Hareid) og Ronny Blomvik (Sula).

Dei andre kystkommunane hadde ikkje høve til å delta på stiftingsmøtet.