Vegen som skal gjere strekninga Nordfjord – Volda ferjefri, ligg inne i framlegget til Nasjonal transportplan og skal etter planen ha byggjestart i løpet av 2008. Vegen skal stå ferdig i 2012.

Éin føresetnad

No vil Navarsete vil kutte ut dei planlagde bompengane på Kvivsvegen, under føresetnaden at Kvivsvegen A/S aksepterer at 45 millionar kroner i innsamla aksjekapital kan brukast til forskotering og tilbakebetalast om 10-15 år, skriv Fjordingen.

– Ideen til dette kom frå Vegdirektoratet og eg har brukt noko tid til å vurdere saka. Konklusjonen min og i Vegdirektoratet er at dette vil vere svært positivt for vegprosjektet. Bompengedelen var uansett berre ti prosent. Vi vurderer ulempene ved bompengar til å vere større enn nytten, seier samferdsleministeren til avisa.

To nye samband

– Svært positivt, seier ein letta Svein Sunde, styreleiar i Kvivsvegen A/S.

Når Kvivsvegen står ferdig, kan bilistar køyre ferjefritt heilt frå Ulstein på Sunnmørskysten, til Hornindal, etter at det nye Eiksundsambandet til Ørsta stod klart til bruk tidlegare i vinter.