Mykje russ, lite kluss
Russen over heile fylket har oppført seg eksemplarisk natt til 1.mai. Ikkje i ei einaste av dei sakene politiet har fått melding om i helga har russ vore involvert.
-Russen har oppført seg fint. Det gjer dei stort sett alltid, seier operasjonsleiar Odd Arve Solvåg i Sogn og Fjordane politidistrikt.
Solvåg seier at natt til 1. mai ikkje lenger er ei hektisk natt for politiet slik det var for nokre år sidan. Det er blitt ei heilt vanleg helg.
-Det er litt meir folk ute enn vanleg, og det resulterer ofte i at politiet tømmer ut ein del alkohol, men elles er det ikkje meir bråk enn vanleg, seier Solvåg.
Politiet har dei siste åra drive med førebyggjande tiltak overfor russen og russefeiringa. Dette ser ut til å ha gitt resultat.
-Inntrykket vi sit igjen med er at russen oppfører seg fint over heile fylket, trass i at dei er mange samla, seier Solvåg.
Mest lese no
Set inn ei tredje ferje
Samferdsle Ny «miljøferje» skal ta ein tredel av trafikken på Lavik-Oppedal dei neste ti åra. Les meir
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
