I fjor opplevde Tine at dei måtte kaste 1.275.000 liter mjølk fordi den hadde for høgt innhald av antibiotika, som er helseskadeleg i mjølk.

- Det kostar oss store summar for kvart tankbillass vi må vrake. Derfor har vi jobba hardt for å hindre at dette skal skje, og vi har hatt færre slike tilfelle dei siste åra, seier Ingrid Haug, som er fagsjef for mjølkekvalitet i Tine Rådgivning til Bergens Tidende.

Ifølgje Tine var det i fjor 85 tankbilar med påviste tilfelle av antibotika i mjølka, og av desse var 17 registrerte i Tine Meierier Vest. Til samanlikning var det registrert 108 tilfelle i 2009 og 117 tilfelle i 2008.

Tine forsikrar om at mjølk med antibiotika i ikkje kjem ut i butikkhyllene, fordi all mjøl vert testa før den vert tappa over frå tankbil til meieri.