– Vi vurderte til saman ni låtar, der «Elvis» av Ferdarhag og «Raven Black» av Raven MacKenzie stod att som Drusar sine sterkaste konkurrentar, fortel jurymedlem Eirik Grane.

I samråd med Thea Hjelmeland og Kurt André Aase konkluderte han med at låten «Idiot» er ein kul låt, prega av både humor og djupne.

Klapp på skuldra

Øyvind Heggheim (28), Håvard Erle (30) og Jan Tore Befring (31) oppfattar månadens siger og 2500-kroners sjekk som eit klapp på skuldra for musikalsk innsats.

– Det er jo kjekt at folk oppfattar at vi eksisterer, seier Befring, som sjølv har oppdaga fleire nye, lokale band han aldri hadde høyrt om før.

– Det har vel aldri vore ein slik konkurranse så lenge eg kan hugse, og det er flott at ukjende lokale band får ein sjanse til å vise seg fram, legg han til.

Håpar på siger

No håpar trekløveren på siger i Bandwagon, der dei vil konkurrere med to andre månadsvinnarar om ein plass i ein regional konkurranse. Om dei kjem vidare der, går turen til Norsk rockuke på Namsos, der vinnaren av Bandwagon vert kåra. Premien er å få spele inn låten saman med eit profesjonelt team. Ikkje minst ligg Ramp-stipendet til 250 000 kroner og lokkar på gutane i enden av konkurransen.