Utkant kårar festivalens beste forspel-underhaldar. Foto: Privat

Vil du bli kongen av Utkant?

Innsending av bidrag startar i dag: - Vi skal kåre Vestlandets beste forspel-underhaldar, fortel festivalsjef Viggo Randal.

Ingrid Margrete Thorvaldsen E-post
Publisert 09.07.2012 kl 10:33 Oppdatert 09.07.2012 kl 10:55

Tips ein venn på e-post:



Utkant sitt artistprogram har lenge vore kjent, men no opnar arrangørane av den idylliske festivalen på Skjerjehamn for at nett du kan få opptre.

- Alle har vi ein liten musikar i oss, eller ein kamerat med ein plagsom nachpiel-gitar. Det er akkurat deg vi vil tak i, seier festivalsjef Viggo Randal.

Skjulte talent

- Det finst mange skjulte talent blant alle plagsame nachspielgitaristar, og vi trur dei vil kome betre til sin rett på eit forspel her hjå oss. Gitaren er ein sterk del av forspel-kulturen sommarstid, gjerne på svaberga eller på hytta, seier Randal.

Det var ein sein vårkveld i gode veners lag at idéen til konkurransen først oppstod.

- Ideen kom til oss i ein augeblink av klarleik på vårt eige nachspiel, uttalar Randal.

Får spele på hovedscena

Vinnaren får opptre på hovedscenen laurdag, og deler scena med artistar som Marit Larsen og Samsaya.

-Vinnaren av konkurransen blir kåra til forspel-kongen eller dronninga, og får det næraste ein kjem kongeleg status i Ytre Gulen, smiler Randal, som oppfordrar folk i alle alder og sjanger til å delta.

- Det viktigaste er utstråling og folkeleg appell. Vi håpar nokon tør å melde seg på; viss ikkje lyt eg ta jobben sjølv, lover Randal.

Slik deltek du i konkurransen

Last opp ein video av deg sjølv eller ein kamerat du tykkjer fortener sjansen, for deretter å dele denne på Facebook-sida til Utkant eller send den til utkant@live.com

Innsendinga startar i dag. Vinnaren vert kåra måndag 23. juli av ein fagjury av andre hobbygitarister og forspel-kjennarar.

På forsiden nå


...

Ei sunn og variert matpakke er viktig for helsa, meiner 7.-klassingar

Aldri nugatti på skiva igjen