Tosca-oppsetjing på Åmot gard. Foto: Iris Engen Skadal

Frykt og begjær i intim opera

Venninnene Lillian Smelvær Olstad (31) og Dagrun Kristine Reiakvam (29) gjesta operaen Tosca på Åmot gard, fredag. - Dramatisk og levande, skildrar dei.

Publisert 23.06.2012 kl 17:04 Oppdatert 23.06.2012 kl 17:25

Tips ein venn på e-post:



Låven på Åmot gard var stappfull av publikummarar då fleire vidgjetne operasongarar entra scena, fredag. Operaen Tosca hausta lovord frå både kjennarar og nybyrjarar. - Men inntrykka må nok fordøyast litt, ler Lillian Smelvær Olstad. Ho hadde sitt første møte med sjangeren denne dagen, og sit att med fleire inntrykk.

Dramatisk og levande

- Det er svært dramatisk og levande. Du får skodespelarane heilt innpå deg, og ser kvar eit andletsuttrykk, fortel ho. Både Lillian og venninna Dagrun Kristine Reiakvam er einige i at det var kjekt å prøve ein ny musikksjanger. Dei ante ikkje kva dei kunne vente seg, men tykkjer besøket har gjort inntrykk.

- Mektige stemmer

- Det er utruleg kva dei får til - utan mikrofon. Kvar einaste skodespelar har stemmekrafta til eit heilt kor, samstemmer dei.

- Det er fascinerande. Opera er til vanleg noko ein zappar innom på NRK3, men dette var jammen noko heilt anna, legg Dagrun Kristine til.