Førdefestivalen har valt sameksistens som tema for årets festival. Det opnar for spennande musikkval, ifølgje festivaldirektør, Hilde Bjørkum.

- Vårt fremste mål er å fremje musikken, men samstundes ønskjer vi å vere dagsaktuelle, seier Bjørkum etter å ha presentert eit tema som glir nærmast rett inn i aktuell dramatikk knytt til Den arabiske våren, uro i Midt-Austen og konfliktar mellom kristne og muslimar.

• Sjå også: Førdefestivalen 2011 for å sjå biletseriar og lese artiklar frå festivalen i fjor.

Påverknad gjennom alle tider
Eit døme er ein av dei fremste eksponentar for den sefardiske musikken, Yasmin Levy.

- Den musikken oppstod i Spania på 700-talet, då kristne, jødar og muslimar levde saman i eit fleirkulturelt samfunn. Det skapte ein musikk med element både frå Midt-Austen, Nord-Afrika og Spania, og publikum vil kjenne att både flamenco og arabiske tradisjonar, seier Bjørkum.

• Sjå biletserie: Slik var festivalparaden i år

Eitt mål med årets festival er å vise at menneske og kulturar har påverka kvarandre gjennom alle tider.

- Ingen sivilisasjon lever i vakum, men er avhengig av samspel med omverda. Musikktradisjonar har oppstått som eit resultat av fredelege møte og sameksistens mellom menneske. Dette har skjedd i alle tider, og skjer også i dag, seier Bjørkum.

Har booka 200
Så langt er i overkant av 200 artistar booka inn til festivalen, og Bjørkum reknar med at tal artistar blir rundt 250.

• Sjå biletserie: Festivalfrukost

- Vi møter nokre utfordringar knytt til situasjonen ute i Europa. Enkelte agentar har få store turnear på plass på grunn av laber økonomi. Det kan medføre at vi kanskje må hente artistar for eiga rekning, men det får ingen konsekvensar for kvaliteten på festivalen, seier Bjørkum.