Etter at tv-sendinga frå Florø var over, var det ikkje tvil om kven av artistane som var mest populær blant autografjegerane.

• Sjå biletserie: Melodi Grand Prix i Florø

Artisten Lise Karlsnes var omringa av publikum som ønskte autografen henner og å bli tatt bilete av saman med henne.

Med på mange bilete
- Det er jo veldig hyggeleg. Eg diggar kidsa, seier Karlsnes.

Ho måtte ned på kne og posere på bilete med mange av dei lokale borna og ungdommane.

Karlsnes synest det har vore veldig gøy å vere med på delfinalen i Florø, og er berre litt skuffa over ikkje å ha gått vidare til finalen i MGP.

Har ikkje fått sett byen mykje
- Det har vore intense dagar her, men veldig gøy, seier Karlsnes.

Ho har vore i Florø sidan onsdag, men fortel at ho ikkje har fått sett så mykje av byen i løpet av denne tida.

- Lokalbefolkninga har vore veldig hyggelege, seier Karlsnes.

Ho synest det er godt å vere i gang igjen, og ser fram til å legge ut på turnè snart.