Trappeluft Productions har bestemt seg for å filme «Hjelp, vi er russ!» i Bremanger.

• Kan bli innspelingsstad for ungdomsfilm

Filmselskapet står også bak «Død Snø», «Kill Buljo» og «Tomme Tønner».

Fantastisk

– Her har vi alt vi treng på ein stad. Dei einaste vi manglar er ein skogsveg vi kan filme, seier linjeprodusent Einar Loftesnes til Firdaposten laurdag, og kallar Bremanger ein fantastisk stad for film.

Han opplyser at filmselskapet kjem til å bruke fleire stader i Bremanger til filmen. Dei har mellom anna sett på Hauge skule.

6. juli brakar det laust. Men før den tid, måndag og tysdag kommande veke, skal det bli casting av statistar i Florø og Bremanger.

På jakt etter folk

– Vi er først og fremst på jakt etter 18–20 åringar, seier linjeprodusenten.

Dei er også, ifølgje avisa, på jakt etter ein god gammaldags russebil frå 80-talet. I tillegg ein rånebil med høg harryfaktor.

Ikkje første gong

For ca eitt år sidan la filmselskapet Studio Hamburg innspelinga av «Liebe am Fjord» til Kalvåg.

I slutten av 2008 fekk Bremanger mykje merksemd då Jenny Skavlan sa ja til å spele postdame i ein kortfilm der handlinga var lagt til kommunen.

• Død Snø har førpremiere i Bremanger