– Ikkje like moro lenger
Popgruppa, som underheldt både i Los Angeles og i Liverpool, legg musikken på hylla.
Bandet The Generous Days frå Sogn og Fjordane har bestemt seg for å ta pause. Dei gav ut si første EP-plate før jul i 2009.
– Vi er ferdig med det kapittelet. Det er vel ikkje like moro som før, seier vokalist Erik Grov til NRK Sogn og Fjordane.
Sjølv om dei tek pause på ubestemt tid, vedgår Grov at dette kanskje betyr slutt for godt.
Bandet er tre år gammalt, og har spelt på The Cavern i Liverpool, i USA og på Norwegian Wood-festivalen.
Debutalbumet «These are the Generous days» hausta både applaus og mindre god kritikk.
– Vi fekk ein toar til og med, seier vokalisten til NRK. Men han avviser at dårlege kritikkar er årsak til pausen.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
