Styreleiar Clara Øberg i Helse Førde legg fram forslag til ny strategiplan for Helse Førde saman med nestleiar Jorunn Ringstad i styret.

- Vi har utarbeidd ulike modellar, seier Øberg.

Ho understreka raskt at det ikkje var gjort kutt for ruspost og ambulansetenesta i nokon av modellane.

- I valet av strategiplan er det også viktig å leggje til rette for at folk skal ha lyst til å jobbe i Helse Førde, seier Øberg.

Utfordringa til Helse Førde, er etter styret si meining at føretaket innan 2012 må redusere kostnadene med om lag 150 millionar kroner.

- Det er eit lite helseføretak og det er ei grense for kor mykje vi kan bruke ostehøvelen, seier Jorunn Ringstad.

Ho trekkjer fram at dei store økonomiske underskota gjer at føretaket manglar økonomiske midlar til å investere i nødvendig utstyr.