3. klasse ved Kjølsdalen skule i Eid vann Fjord1 sin teiknekonkurranse i Sogn og Fjordane, der temaet var trafikktryggleig om refleksbruk.

Fekk premien på ferje
- Dei hadde ei veldig god og tydeleg teikning som formidla godt det med refleksbruk og trafikktryggleik, seier kommunikasjonsdirektør Ingrid Færøyvik i Fjord1.

Premien vart tysdag føremiddag overrekt av skipsførar Kjetil Sætre på ferja Lote, som i dag går på sambandet mellom Anda og Lote.

Elevane fekk sveler og omvising ombord i ferja, og 1. og 2. klassingane ved skulen var også inviterte med.

Imponerte over teikningane
- Premien er ei pengegåve på 5000 kroner, som skal brukast til ein klassetur, fortel Færøyvik.

Ho fortel at det var mange teikningar å gå gjennom for juryen, og dei er imponerte over prestasjonane.

- Det er flott å sjå kor kreative dei er. Det er ein artig del av jobben å vurdere alle desse teikningane, seier Færøyvik.