– Vi ser lite bruk av narkotika, men vi veit at det eksisterer og at det er folk som rusar seg på stoff som hasj, GHB og ecstasy, seier Per Inge.

Dei to representantane framhevar at det er alkohol som er det store problemet.

– Det er vorte svært akseptert å drikke alkohol, og det skjer oftare enn før og blant fleire og fleire elevar, slår dei to fast.

Som elevrepresentantar i anti-rusgruppa på Øyrane har dei som oppgåve å fange opp kva som skjer på skulen. Dei ser etter om nokon skulle hamne i feil retning og om ein kan gjere noko med det.

– Det er vår oppgåve å sende signal om det som skjer blant elevane til dei som sit høgare i systemet på skulen.

I utgangspunktet er det vanskeleg å sjå kven som brukar narkotika, men dei er ikkje i tvil om at stoff som GHB er på frammarsj.