...
Illustrasjonsfoto Foto: Bent Are Iversen

Loggførte treåring i barnehage

Meinte guten var skiten, fillete og seksuelt utagerande. Foreldra er sjokkerte.

Ingunn Osland
Ingunn Osland Profil E-post
Publisert 19.09.2012 kl 10:11 Oppdatert 19.09.2012 kl 10:11

Tips ein venn på e-post:



Foreldra føler seg krenkja av påstandane, og fortel om ei traumatisk tid. No krev dei oppreising og orsaking frå eigaren av barnehagen, Flora kommune, skriv Bergens Tidende i dag.

Kan ikkje kommentere

– Vi kan ikkje kommentere dette, utover at klagen vil bli handsama etter reglane, seier kommunalsjef for skule og barnehage, Guri Langaas.

Foreldra meiner dei er grovt trakasserte og motarbeidde i den kommunalt eigde barnehagen. Dei hevdar også at tilsette i barnehagen må ha brote teieplikta.

– Andre foreldre slutta brått å helse på oss. Vi sjølve ante ingenting om mistankane mot oss, seier mora til den no fire år gamle guten til BT.

Politiet la vekk saka

Etter ei kort etterforsking, inkludert dommaravhøyr av treåringen, avslutta politiet saka utan å ha funne grunnlag for mistanken om at guten var seksuelt misbrukt.

– Det stemmer at vi opna ei undersøking av denne saka, men den vart avgjort utanfor straffesak og er no avslutta, seier politiadvokat Sissel Kleiven i Sogn og Fjordane politidistrikt til BT.

Kritiske til barnehagen

Familien har lite å utsetje på måten barnevernet og politiet har handtert saka. Men dei er svært kritiske til korleis barnehagen har gått fram.

Ifølgje BT starta barnehagen å loggføre korleis guten oppførte seg i barnehagen, og skildrar at guten skal ha utvist seksualisert åtferd overfor andre barn, og at han også har vore valdeleg.

Foreldra reagerer også på måten dei sjølve er omtala på i saksdokumenta, som dei har fått tilgang til. Mor blir skildra som forknytt, og far som mistenksam og ein person som ønskjer å ha kontroll.

Flytta frå Florø

Familien er no flytta frå Florø, noko som var planlagt før denne saka kom opp.

Dei er no i ferd med å etablere seg, og har også familie i nærleiken. Familien har ifølgje BT teke saka svært tungt.

På framsida no


...

Her må vatnet vike

Fylkesmannen har gjeve Statens vegvesen løyve til mudring og utfylling i Dregebøvatnet, men krev tiltak som vernar om ål, laks og sjøaure.

Braut seg inn på utestad

Forsynte seg av drikkevarer

...

Mo kan miste fire av åtte klassar

Dei vidaregåande skulane i fylket har 300 elevplassar meir enn det finst elevar til. Landbruksklassane på Mo kan bli hardt ramma.

...

Ny Eliasbåt til fylket

Torsdag vert det dåpsfest for den nye Eliasbåten i Florø. Namnet er førebels hemmeleg.