...
Bilete er ein illustrasjon til saka. Foto: Bent Are Iversen

Fyll og uro i natt

Mykje bråk og fleire nedslegne.

Eline Kirkebø E-post
Publisert 11.08.2012 kl 08:39 Oppdatert 11.08.2012 kl 08:52

Tips ein venn på e-post:



Klokka 00.42 natt til laurdag fekk politiet melding om mykje støy frå ein fest i eit privathus i Førde. Politiet rykka ut til staden, men festen var då i ferd med å bli avslutta.

Også på Eid, nokre om lag ti minutt seinare, fekk politiet klage om feststøy frå eit hus. Eigaren vart kontakta og informert om klagen.

To menn slått ned

Klokka 01.51 vart det meld om at ein mann var slått ned på Årdalstangen i Årdal. Både politi og ambulanse reiste til staden. Den fornærma vart frakta til Lærdal sjukehus for observasjon. Begge dei involverte er menn i 20-åra, og saka blir vidare etterforska ved Årdal lensmannskontor.

Like over halv tre skjedde noko liknande i Førde sentrum. Ein mann i slutten av tenåra vart slått til og teken hand om av politiet. Han vart køyrd til legevakta for kontroll. Den mistenkte er ein mann i 20-åra.

Tenåringsjente i drukkenskapsarrest

På same tid måtte politiet i Årdal ta hand om ei rusa jente i slutten av tenåra. Ho vart framstilt for lege og sett i drukkenskapsarresten då ho ikkje klarte å ta vare på seg sjølv.

I Vanylven tok politiet klokka 03.38 hand om ein mann i 20-åra, mistenkt for køyring i rusa tilstand. Han vart teken med til lege for blodprøve. Saka vert vidare etterforska ved Vanylven.

På framsida no


Forarga over Posten

– Posten lever ikkje lenger for å levere, men for å returnere, seier Ove Semshaug.

Ville kaste ut Flora

Bjørn-Harald Haugsvær (KrF) meiner det er bortkasta tid å greie ut kommunesamanslåing med Flora.