...
Illustrasjonsfoto av SC38.

Stort fylkessamarbeid

Lyse tider for Solund Verft AS; inngjekk nybyggingskontrakt internt i fylket.

Ingrid Margrete Thorvaldsen E-post
Publisert 08.08.2012 kl 21:09 Oppdatert 08.08.2012 kl 21:09

Tips ein venn på e-post:



Solund Verft AS har teikna nybyggingskontrakt for 2 stk. SC38 Kystnot-fartøy, melder dei i ei pressemelding.

Både reiarlag, konstruktør og verft, samt hovudtyngda av underleverandørane har lokal tilknyting og adresse i Sogn og Fjordane.

Lokal tyngd

Reiarlaga og verftet er lokalisert i nabokommunane Solund og Askvoll. Medan konstruktøren Seacon as, er heimehøyrande i Vågsøy.

Elektroinstallasjonar skal leverast og installerast av HAFS Elektro, som er heime høyrande i Solund/ Hyllestad. Innreiing skal leverast og monterast av Maritim Montering AS, som er heimehøyrande i Gaular.

Finanseringa av prosjektet står Sparebanken Sogn og Fjordane, Innovasjon Noreg og Wergeland Holding AS for.

Har gjeve resultat

Verftets langsiktige satsing på opparbeiding av verftsfasilitetar, kompetanse og relasjonar i fiskerimiljøet, har synt seg å gje resultat i form av desse to nybyggingskontraktane, står det i pressemeldinga.

Normal aktivitet framover

Den normale aktiviteten ved verftet, reparasjons- og vedlikehaldsoppdrag vil framleis føregå med tilnærma normal kapasitet, sjølv om nybygga er under utrustning.

Leveringsdato for fartøya er januar og juni 2014.

På framsida no


Vil ha parkeringsavgift også

Rådmann Ole John Østenstad meiner det er heilt nødvendig med parkeringsavgift i Førde. – Heilt forkasteleg, svarar næringsdrivande.

Mistenkeleg dødsfall

Den døde er sendt til obduksjon, etterforskinga held fram i dag