Eit einsleg køyretøy med to menn i alderen 20-30 år har køyrd av vegen på E39 ved Årskogvika Camping ved Lote, melder politiet.

Ulukka skjedde i går kveld og dei to mennene skal vere heimehøyrande i Gloppen og Eid.

Det er meldt om personskade i ulukka og mennene er frakta til Ålesund Sjukehus.

Politiet mistenkjer køyring i rusa tilstand.

Stolen bil

Bilen dei køyrde var ein Opel Astra som tidlegare i helga var meldt stolen frå Sandane. Men politiet opplyser at skilta som var på bilen då dei fann han tilhøyrde eit anna køyretøy frå Sandane. Det er og meldt stole i helga. Ingen av mennene skal ha hatt førarkort.

Eid og Gloppen lensmannskontor vil etterforske saka vidare.