...
Foto: Bent Are Iversen

Fjording + flygeleiar = sant

Av 600 søkjarar frå heile verda, var det tre fjordingar som kapra seg plassar ved flygeleiarutdanninga i USA.

Silje Huseklepp E-post
Ingrid Margrete Thorvaldsen E-post
Publisert 04.08.2012 kl 11:38 Oppdatert 04.08.2012 kl 11:39

Tips ein venn på e-post:



– Det har ikkje heilt gått opp for meg at eg er komen inn på studiet, seier Ole Fosse Fardal, ein av dei tre heldige studentane.

Sogn og Fjordane fekk knallgod utteljing på opptaket til flygeleiarstudiet, og kapra heile 3 av 25 plassar ved University of North Dakota i USA.

Éin sjanse

- Det er berre éin gong ein kan søkje på studiet i?USA. Om ein ikkje kjem inn på første forsøk, så kjem ein ikkje inn seinare heller. Fosse Fardal sjølv hadde ikkje forventa å komme inn.

Med seg til USA får han òg Simen Solheim (Sandane) og Mads Gjedrem (Førde).

Nyfiken

– Eg har alltid hatt stor respekt for dei som arbeidar i flytrafikken. Då eg såg at Avinor lyste ut plassar til studiet, vart eg litt nyfiken og tenkte at eg kunne prøve å søkje, fortel Fardal.

- Dette er ein sjanse ein berre får éin gong i livet. Når livet gjev deg ei kake, så seier ein ikkje nei takk, humrar han.

Strenge opptakskrav

For å kome inn på studiet treng ein generell studiekompetanse og 4,0+ i snitt. Deretter ventar fem opptaksrundar med ulike testar og intervju.

- Det gjeld å halde hovudet kaldt og ikkje gje opp. For den som trur at flygeleiarar er eit form for geni, tar feil. Ein treng eit sett med spesifikke eigenskapar, skildrar Fosse Fardal.

Saftig god løn

Med ei startløn på 560.000 kroner, som fort stig til over 1 million, ser Fosse Fardal seg tilfreds.

– Ein skal i alle fall ikkje kome og seie at ein er misnøgd med eit slikt beløp.

På framsida no


I kø for lærebøker

Nesten alle elevane ved Førde ungdomsskule kom for å hente lærebøker tysdag.

...

Det er ikkje bussen dei ventar på

Men dei stod der lenge.

...

31 mål betre enn Sogndal

- Ei grei treningsøkt, seier trenaren.