Eit kraftig utbrot på sola natt til onsdag utløyste ein geomagnetisk storm som førte til kraftig nordlys over heile Norge natt til torsdag og torsdag morgon.

• BILETSERIE: Nordlys over Sunnfjord (frå 25. januar)

Ein solflekk så stor at den med rette solformørkelsesbriller på, kan sjåast med det blotte auget, har dei siste dagane forårsaka ei rekkje eksplosjonar, opplyser astrofysikar Knut Jørgen Røed Ødegaard til Avisenes nyhetsbyrå.

Ødegaard fortel at enorme skyer med elektrisk ladda gass vart slynga ut i rommet og traff jorda onsdag. Eit mykje sterkare utbrot, eit såkalla X5, fann deretter stad klokka 01.28 natt til onsdag.

- Skya frå dette smellet var venta å treffe jorda torsdag 8. mars klokka 07.25 norsk tid og kan utløyste ein kraftig til svært kraftig geomagnetisk storm, moglegvis på ekstremt nivå. Dette inneber at den vil kunne forstyrre magnetfeltet rundt jorda, og laga kraftige nordlys svært langt mot sør, inkludert Sør-Norge, seier Ødegaard.

Han fortel at utbrotet er det kratigaste på lange tider og så kraftig at det også potensielt kan forstyrre radiokommunikasjon og system for satelittnavigering.

- Satelittar kan bli påverka og det er ein viss fare for at straumnettet kan bli forstyrra enkelte stader på nordlege breidder, seier Røed Ødegaard.

• Har du fanga Nordlyset på foto eller film?
  Send bilete/video til redaksjon@firda.no - Merk med tidspunkt, stad og namn på fotograf.