Senterpartiet seier nei til vikardirektivet. Det gjorde partileiar Liv Signe Navarsete klart då ho møtte pressa i vandrehallen i Stortinget måndag, melder NTB.

• Les pressemeldinga frå Senterpartiet HER.

Navarsete seier at det ikkje er gjeve gode nok garantiar for at arbeidsmiljølova kan bli ståande, dersom vikardirektivet vert ein del av det norske lovverket.

Fagrørsla åtvarar

Arbeidarpartiet si stortingsgruppe har frå før sagt ja til å innføre vikarbyrådirektivet i norsk lovgjeving, medan SV seier nei. Dermed må Arbeidarpartiet søkje støtte på borgarleg side.

Også hovudsamanslutningane LO, YS og Unio vil ha norsk reservasjon mot direktivet, som fagrørsla elles i Europa har akseptert.

Senterpartiet kalla måndag inn pressa til eit kort møte i vandrehallen i Stortinget for å reiegjere om sentralstyret sitt vedtak i saka.

Må søkje borgarleg støtte

Før helga truga SVs sin nestleiar Audun Lysbakken med at partiet ville ta dissens i regjeringa i saka.

- Det er eit sterkt ønskje i partiet om at vi ikkje bidreg til at vikarbyrådirektivet vert innført i Norge. Difor er det absolutt aktuelt å ta dissens i regjeringa, sa barne-, likestillings- og inkluderingsministeren til Klassekampen ifølgje NTB.

Når også regjeringspartnar Senterpartiet i dag seier klart nei til EU-direktivet, må Ap få drahjelp av Høgre i Stortinget. Frå fagrørsla si side er kravet at Ap snur i saka.