Fredag kveld fekk politiet melding om at ein totalt mørklagt personbil var på veg vestover frå Hemsedal. Det kom etter kvar fleire meldingar om same bilen, og dei som ringde politiet oppfatta bilkøyringa som svært farleg, då det var mørkt ute, og den mørklagde bilen kom brått på.

Politiet rykte ut, og stogga bilen inne i Lærdalstunnelen.

Føraren, som var åleine i bilen, forklarte at lysa på bilen ikkje fungerte i det heile teke. Dette synast politiet lite om. Dei kverrsette førarkortet på staden, og vil politimelde saka.