Industristader som Stongfjorden, Høyanger og Bremanger kan bli turistattraksjonar gjennom den føreslegne prosjektet «Opplev industriarven».

Håpar at Riksantikvaren seier ja

Torsdag var saka til behandling i Hovudutval for kultur. Leiar Nils Gjerland fortel at utvalet valde å gå vidare med fire prosjekt, der i blant industristadene. Dei håpar på støtte til alle fire, men Gjerland sere det er hard konkurranse om dei statlege midlane.

Dei tre andre prosjekta er «Kongevegen over Filefjell», «Kloster og pilegrimssenter i Selje» og «Stavkyrkja og landskapet».

Prosjekta som Riksantikvaren vel kan få inntil éin million i årleg støtte, mot at den aktuelle fylkeskommunen støttar med same beløp.

Reiserute mellom industristader

«Opplev Industriarven» vil etablere ei reiserute mellom industristader og verksemder med særeigen kulturhistorie i Sogn og Fjordane og Hordaland. Dei vil knyte seg opp mot det internasjonale ERIH- nettverket, der 850 eksisterande og nedlagde industristader fordelt på 32 land er representerte.

Partnarar i prosjektet er: Norsk Vasskraft og Industristadsmuseum, Stongfjorden Vekst AS, Helle Fabrikker, Høyanger Næringsutvikling, Norsk Kvernsteinssenter, Bremanger Kommune og Stiftinga Jensbua/Visit Fjordkysten. Stongfjorden Vekst er prosjekteigar.