Avdelinga har ifølgje selskapet sjølv gått med underskot "i fleire år" og styret ser ikkje lenger mogelegheiter for å oppnå lønnsemd.

Domstein ASA har ein omsetnad på kring 155 millionar kroner, og har rundt 90 tilsette.

Etter at det danske selskapet A. Espersen no overtek produksjonen av torskefilet, og flyttar denne verksemda til fabrikkar i Polen og Litauen, vil desse 90 tilsette i Måløy no misse arbeidet.

Desse tilsette blir oppsagde frå tidlegast 30. april.

Selskapet opplyser at nedlegginga er venta å gi ein årleg positiv resultateffekt på 5,9 millionar kroner. Dei ventar også ein eingangsgevinst på 10 millionar kroner i 2012.

Tiltaka vil redusere konsernets omsetnad med kring 70 millionar årleg, og balansen med rundt 70 millionar kroner i løpet av 2012. Selskapet ventar også ei vesentleg styrking av arbeidskapitalen og likviditeten.

Seifileten skal no etter planen produserast i Kalvåg, medan anna produksjon blir flytta til Kungshamn i Sverige.