Nettsida today.com har kåra dei ti vakraste kyrkjene i verda, og blant dei 28 stavkyrkjene i Norge havnar Borgund stavkyrkje på ei topp ti-plassering.

- Landet som er mest kjent for sine fjordar og sitt arktiske landskap, er også det einaste landet i Nord-Europa med intakte trekyrkjer frå mellomalderen. Blant dei 28 stavkyrkjene i Norge, er Borgund stavkyrkje frå 1180, skriv nettsida i grunngjevinga.

Det vert også trekt fram at kyrkjebygget i Borgund er eit fantastisk eksempel på stavarkitetktur.

Dei fire utskorne draghovuda på taket til kyrkja får artikkelforfattaren til å tenkje på bygg frå det gamle Austen.

Interiøret til kyrkja har ikkje imponert særleg.

- Utanom nokre rader med benkar, eit enkelt alter og eit bord for å oppbevare religiøse gjenstandar, er det ikkje mykje å sjå inne i kyrkja, skriv artikkelforfattaren.

Han legg til at det fantastiske ytre gjer Borgund stavkyrkje vel verdt eit besøk.

Dei ti vakraste kyrkjene i verda ifølgje today.com er:

• Borgund stavkirke, Norge

• Hallgrímskirkja, Island

• Sagrada Familia, Spania

• Saint Michel d'Aiguilhe Chapel, Frankrike

• Domkirken i Milano, Italia

• Blodskirken, Russland

• Las Lajas Sanctuary, Colombia

• Elykatedralen, England

• Church of the Assumption, Slovenia

• Thorncrown Chapel, USA