– Vi var med på dette i fjor og. Den gong trur eg vi selde tjue «pins» kvar. Målet er få seld same tal i år, seier Simon Sæterlid (14).

I desse dagar er dei 26 elevane i klasse 9C ute for å selje jakkemerke til inntekt for Den Norske Kreftforening. Organisasjonen har ein landsomfattande aksjon under nemninga «Krafttak mot kreft» gå ande.

– Kreftforeininga har som mål å overføre 125 millionar kroner til kreftforsking i år. Vi ville gjerne vere med på å samle inn litt av desse pengane, seier Henri Eikenes.

– I fjor var folk ganske greie. Dei kjøpte rubbel og bit av dei merka vi hadde, seier Malene Henden.

Kine Smedsrud innrømmer at motivasjonen for innsatsen er todelt.

– Klassa får femten prosent av inntektene. Det er gode pengar å ha med, all tid vi sparar til ein klassetur neste år.

Også niandeklassane ved Førde ungdomsskule er med på denne aksjonen.