Sidan 1600-talet har det vore gjestgiveri og handelsverksemd i Furesundet.

Inntil brannen natt til torsdag stod det att fem hus på staden - eldhus, to sjøbuer, naust og det gamle særprega, kvitmåla våningshuset i halvannan etasje, med pultark og halvvalma tak.

Den sistnemnde bygningen som er verna, vart flammame sitt rov i natt.

Frå gammalt har det stått fleire sjøhus på staden, men desse er borte, sjøv om nokre av grunnmurane står att.

Furesundet, som ligg mellom to holmar rett vest for rullebana ved Florø lufthamn, har gode hamnetilhøve, og sikre seglingsleier..

Staden låg sentralt til i den gamle skipsleia, og gjestgivarstaden med det viktige brennevinsløyvet som høyrde til, var ein del av tidlegare tiders skysskiftesystem.

Kong Christian VI og følgjet hans skal mellom anna ha overnatta der under Norgesferda si i 1733.

I dei rike sildeåra rundt 1860, som førte til at Florø vart grunnlangt, var det kjøpmann H.M. Dahl som dreiv handel i Furesund. Han avvikla den omstridde brennevinsserveringa, og Furesund vart etter kvart ein samlingsstad for truande, medan den nye byen Florø overtok handelsverksemda.

(Kjelde: Flora: Kulturhistorisk vegvisar, av Harald J. Stavang).