– Ludvig Eikaas har skapt begeistring, men aller mest hovudristing. Jølster vart nok litt for trongt både for mennesket og kunstnaren. Men han var ein stor kunstnar, og eit stort menneske, seier Jølster-ordførar Gerd Dvergsdal.

Gravlagd i Oslo

- Familien opplyser at Eikaas blir gravlagd i Oslo. Kommentar?

– Det bestemmer familien, og eg synest det er naturleg. Kona hans er gravlagd der, og han budde den største delen av livet i Oslo, seier Dvergsdal.

• Les også: Ludvig Eikaas er død

– Ludvig levde mens han levde på den måten at han var veldig til stades. Og gjennom sin kunst ruska han oss ut av ei førestelling om at kunst skal vere kjent og kjært. Ludvig kom med nye strekar, nye teknikkar og nye komposisjonar. Mange forstod ikkje at dette var kunst. Og nettopp det er det som er så fortreffeleg med kunst, seier Dvergsdal.

På nivå med Nikolai Astrup

Ho er glad for at fylket og kommunen klarte å innfri hans vilkår for at han skulle gje gåva til heimkommunen: At det måtte etablerast eit eige galleri.

Dvergsdal meiner han held eit kunstnarleg nivå på linje med Nikolai Astrup.

Les også:

• Sjå bilete frå Ludvig Eikaas sitt liv

• - Like stor som Munch og Astrup

– Men ein må ikkje setje dei opp mot kvarandre. Dei er store på kvar sin måte, Astrup måla frå bygda han levde i. Eikaas er prega av at byen var hans arena.