Førde Internasjonale Folkemusikkfestival søkjer Det Kongeleg Hoff om fortsatt kongeleg beskyttarskap for festivalen.

- Å ha HM Dronning Sonja som høg beskyttar for festivalen har gjeve ein ekstra positiv dimensjon for regionen vår og for publikum, musikarar og presse som besøkjer festivalen, skriv styreleiar Kristin Hille Valla og direktør Hilde Bjørkum i søknaden.

24 delegatar

- Ikkje minst i høve til alle dei utanlandske musikarane og presse- og bransjedelegatane som vitjar bestivalen, er det å ha HM Sonja som høg beskyttar, ein viktig og positiv faktor. Dette året besøkte 24 utanlandske presse- og bransjedelgatar frå 14 land festivalen, skriv dei.

Festivalen er den største på folkemusikk i Skandinavia. Sidan den første festivalen vart arrangert i 1990, har meir enn 4000 musikarar og dansar frå over 100 ulike land gitt festivalpublikum minnerike opplevingar.

Ære og glede

Dei siste åra har festivalen lagt stor vekt på å få fram nye musikk. og sceneproduksjonar, ikkje minst for born og unge. Mange av desse har levd vidare og blitt presenterte både i inn- og utland i etterkant, opplyser Valla og Bjørkum.

- Det ville vere ei stor glede og ære for oss om HM Dronning Sonja ville halde fram som Førdefestivalen sin høge beskyttar også dei komande åra, avsluttar dei to i søknaden.