26- åringen gav full gass og køyrde på det han kunne for å nå røntgentimen sin ved Lærdal sjukehus før avdelinga stengte ein maidag i år.

Men det skulle ikkje gå heilt som planlagt for den polske mannen i midten av 20- åra.

For i 151 km/t i Lærdalstunnelen blei han ferska for råkøyringa i 80- sona, noko som gjorde til at mannen måtte møte i Sogn tingrett.

Mannen forklarte i retten at han skulle nå ein røntgentime og måtte køyre fort for å rekkje den.

Men forklaringa kom han ikkje langt med og den polske mannen blei dømd til fengsel i 14 dagar. Han må også greie seg utan lappen i 16 månader. I tillegg må han ta ny førarprøve når den tid kjem.