Sps gruppeleiar Jenny Følling har ikkje bestemt seg for om ho vil sikte seg inn på å overta som fylkesordførar.

Leiarrolla og den politiske tyngda plasserer gruppeleiaren i ein naturleg posisjon til å ta over som Sps førstekandidat og fylkesordførarkandidat ved valet neste år, etter at Nils R. Sandal har bestemt seg for å tre ut av politikken.

Les også: Vil ikkje lenger vere fylkesordførar og Opnar for fire nye år

Men Følling sjølv er ikkje sikker.

– For det første skal nominasjonen avgjerast av partiet. Det er ein prosess eg har djup respekt for. Skulle denne prosessen føre fram til at eg blir spurd om eg vil stille som fylkesordførarkandidat, må eg i så fall ta eit val i forhold til lokalpolitikken, og i tillegg vurdere dei private sidene og omsynet til familien, seier ho.