Fotogiganten Japan Photo Holding Norge har kjøpt Eurofoto på Reed. Dette stadfester seksjonsleiar i Konkurransetilsynet, Christian Lund.

Må vurdere saka

– Alle oppkjøp som omfattar verksemder med omsetning over 50 millionar kroner er pliktige å melde frå til oss. Vi har fått melding om oppkjøpet, og har 15 dagar på oss til å vurdere om handelen kan godkjennast, eller om vi vil be om ytterlegare opplysningar, seier Lund til Firda.

Taust frå Intele

Dermed er det klart at dei to suksessbedriftene med base i Reed Senter har fått nye eigarar. Tidlegare i sommar vart Reed Foto selt til Norges største skulefotofirma, Fovea. No overtek Japan Photo sjølve flaggskipet på Reed, Eurofoto.

• Les også: Reed Foto vert selt

Firda prøvde i heile går å få kommentar frå dagleg leiar i Intele, Atle Hauge, utan å lykkast. Vi prøvde også å få kommentar frå dagleg leiar i Japan Photo Holding Norge AS, Stephan Stein, også her utan å få svar.