Dag Anton Boge (55) frå Bergen oppdaga at han hadde fått ein flått på låret då han var på hyttetur i Sogn tidlegare denne månaden.

Smertefullt

– Flåtten oppdaga eg ganske fort. Den hadde så vidt soge seg fast og var en millimeter lang da eg fekk røska den ut. Eg trudde alt var i orden, men så vart det hove og begynte å klø, fortel han til BA.no.

Bitet vart dessutan smertefullt.

– Det vart vondt og det var skikkeleg skummelt. Eg har verken høyrt eller sett eit så ekstremt flåttbit før. Det vart omtrent ti centimeter stort, fortel bergensaren.

"Jøsses"!

Boge drog til legen då han såg at det berre vart verre.

– Fastlegen braut ut «jøsses» og sa at eg måtte på ein sterk antibiotikakur med det same. Han var redd for borreliose og hadde ikkje sett eit så stort bit han heller.

Antibiotikakuren virket, og Boge kom raskt på betringas veg. Nå lurer han på kva for ein funksjon flåtten eigentleg har i økosystemet.

– Kva er det utanom å suge blod frå menneske og dyr for deretter å døy? spør han.

Her kan du lese saka hos BA.no.