– Han blei tøffare enn eg hadde venta. Eg er veldig fornøgd, seier Knut B. Bøyum.

Omtalen gjeld skapningen som no ligg midt ute på ein bø på Bøyum i Fjærland. Eit oransje hovud som gliser med få, men feilfrie tenner i eit svart gap.

Barnleg dobbelt-kommunikasjon

«Gras Kar» heiter skulpturen, det første av venteleg ei heil rekkje kunstverk som Fjærlands-bøndene vil lage fram til rundballefestivalen.

Mannen bak «Gras Kar» er naturlegvis Knut P., men det er Mette Lunde Bøyum som har svinga målarkosten. Eller kjerringa som han konsekvent kalllar sin betre halvdel.

– Eg hadde inspirasjonen, men det er alltid utøvaren som er kunstnaren. Sjølv er eg fullstendig utan kunstnarlege evner, akkurat som Stig Eikaas. Eg har berre laga rundballen, seier Knut P.

Stod han modell?

Om han stått modell for sjølve kunstverket, er eit meir ope spørsmål.

– Det må du berre skrive, seier bonden som i går var mest opptatt med å balle gras i håslåtten.

Men han lovar at fleire kunstverk skal stå klar til festivalen.

Guida turar

Alle bøndene i Fjærland er oppfordra om å bidra med kunst til festivalen, då det blir guida turar så publikum skal få del i bondekunsten.

– Kjerringa og eg har eit par prosjekt til pågang, røpar han, utan å ville gå i detaljar.

– No har eg snakka nok med ein sunnfjording for i dag, legg han til.