I dag vedtok hovudutvalet for opplæring i fylket at Dale vidaregåande skule skal få tilbake klassen på studiespesialiserande fag. Dette vart gjort på eit ekstraordinært møte.

– Vi startar opp vg1 allmennfag i Dale. Dei som står på venteliste vil få plass der, dersom dei ønskjer det, seier leiar for hovudutvalet for opplæring, Arne Hovland.

Sterke krefter i sving

Bakgrunnen for vedtaket er at sterke krefter i Fjaler har arbeidd for at dei 24 elevane som stod på venteliste til studiespesialisering ved den vidaregåande skulen i Dale skulle sleppe å reise frå kommunen for å gå på skule.

Rektor Gro Fivelstad ved Dale vidaregåande skule har tidlegare i sommar foreslått at skulen kunne gje frå seg ein service- og samferdsleklasse i byte mot å få halde fram med to klassar på studiespesialiserande fag.

– Har jobba enormt

– Eg er kjempenøgd. Vi har jobba heilt enormt med dette, både med lesarinnlegg, lobbyverksemd, Facebook- og sms-aksjon, seier ordførarar i Fjaler, Arve Helle.