Vi kastar rekordmykje mat
- Det er mykje ein kan ta tak i, seier landbruks- og matministeren.
I følgje Statistisk Sentralbyrå er matavfall den avfallstypen som har hatt størst vekst i Norge dei siste fem åra.
- All mat som vert produsert og kan konsumerast, bør bli ete og ikkje ende opp som matavfall, seier landbruks- og matminister Lars Peder Brekk til forskning.no.
I forskingsprosjektet "Reduksjon av matavfall i verdikjeden" samarbeidar Østfoldforsking, SIFO og Nofima Mat med industri- og daglegvaresektoren for å kartlegge og iverksetje tiltak mot matavfallet i Norge.
Etisk problem
- Allereie i dag har vi mykje kunnskap om kva slags mat som vert kasta, men vi
skal finne ut endå meir. Vi skal mellom anna samanlikne om det er dei same
matvarene som står for svinnet i daglegvareleddet som heime hos forbrukarane
seier Oddvin Sørheim hos Nofima Mat til forskning.no.
Han meiner kasting av mat óg er eit etisk problem i ein global situasjon der matmangel er sett på dagsorden, og underærneringa er aukande.
- Det er opplagt mykje ein kan ta tak i her, seier Lars Peder Brekk.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
