Vindmølleparken på Mehuken i Vågsøy kommune, vert utvida grunna gode vindforhold. På måndag starta arbeidet.

- Vi byggjer nettopp her fordi det er mykje vind, men akkurat for augeblinken ynskjer vi så lite vind som mogleg, seier prosjektleiar i Mehuken II til Fjordenes Tidende.

Monteringa av vindmølledelane skal komme i gong så fort som mogleg, og då krev arbeidet så mykje vindstille som mogleg.

På Mehuken står det allereie fem møller, og i løpet av sommaren og hausten, skal det kome på plass åtte til, opplyser Fjordenes Tidende.