Brannvesen, ambulanse og politi måtte rykkje ut til eit husvære i Øvre Årdal natt til torsdag etter at naboar hadde vakna av røykvarslaren i leilegheita.

Naboane greidde ikkje å få tak i naboen sin, noko brannvesenet derimot fekk til.

Det skulle vise seg at den søvnige sogningen hadde sovna frå ei panne med pølser som hadde kokt tørr.

Sidan branntilløpet blei oppdaga så tidleg, fekk ikkje leilegheita nemneverdige skader, så difor kunne sogningen gå til nattero etter at matosen var lufta ut.