Onsdag var det ei mylder av born og aktivitetar i og utanfor idrettssenteret i Florø.

• Sjå biletserie frå arrangementet: 1335 born feira byen sin

1335 elevar frå alle barneskulane i Flora kommune var samla for å feire 150-årsjubileet til Florø by.

Alle elevane var kledde i refleksvestar med Florø 150 trykt på, og inndelt i puljer prøvde elevane ulike aktivitetar som sekkeløp, spikring, fiskerulling, kasting på blink og putekrig.

Dagen vart avslutta med konsert inne i fotballhallen, med elevane sjølve som publikum og utøvarar. Før det spelte bandet Folkeskolen for dei.